疫下買樓｜情侶買樓失業欲取回80萬大訂 哭求業主退訂被拒即恐嚇 「陰騭錢袋咗有報應」

買樓要慎重考慮自身財政能力，疫下經濟不穩更應慎重衡量風險。一名男網民近日發文透露，其友人最近賣樓時遇到一對情侶，雙方已簽好合約並收取80萬元「大訂」，惟情侶日前突然表示因雙雙失業，希望取消交易取回訂金 ; 更趁業主上班時在樓下將其截停，哭求退訂被拒後突然「變臉」，恐嚇指「有啲陰騭錢袋咗會有報應」，兩人的舉動令業主憂心不已。

一名男網民周四（4日）在網上討論區「連登」發帖，表示身邊一名男友人最近賣樓，早前已跟一對情侶買家到律師樓簽妥合約，並收取10%「大訂」共約80萬元，原定於下月正式「交吉」。

一般而言，於買賣樓宇時，在雙方簽訂臨時買賣合約後，14日內會簽署正式買賣合約，同時買家支付10%「大訂」，然後買家再向銀行申請按揭「上會」，一般在2至3個月內付清尾數，業主交樓完成交易。

由於交易期間，雙方一直都是透過地產經紀溝通，沒有對方聯絡電話，本周業主突然收到經紀通知，指買家要求取消交易，希望業主能酌情退回訂金。對此，經紀則認為「咁情況賣家『殺訂』合情合理」，不用理會買方，他只是盡責任轉達買方說話 ; 該男網民同時表示︰「佢自己 (經紀) 都會照追佣金」。

情侶稱失業求業主退訂

於周四（4日）早上，業主出門上班時，被該對情侶買家在大廈門口截停，二人苦訴近日雙雙失業，銀行拒絕批出按揭，又指該筆訂金是他們的「血汗錢」，「嚟緊要嚟開飯交租」，該女子甚至落淚苦求，

男網民在帖子中說︰「我個Friend（朋友）本來都有少少心軟，不過一來冇理由咁倉猝話傾就傾；二來真係趕住返工，就同對男女話一切留番透過Agent（經紀）處理啦......」

父債女還｜6旬父失業無錢供樓，剛畢業港女被要求供10年，「唔通放棄自己人生幫佢？」詳情即睇：【下一頁】

見業主未即場答應 即變臉「恐嚇」

他形容該對情侶初時「仲死晒狗」，未料聞言後隨即變臉，語氣開始轉差，向他的業主朋友指「做人最緊要有良心，有啲陰騭錢袋咗會有報應，你有個女咁細個，你都想教佢做好人」，又尾隨對方足足半條街，

「最後我個Friend不斷重複話佢冇嘢講，一切交Agent處理至甩到身。」

業主事後越想越不安，因該對男女曾經提及其女兒，相信是睇樓期間見過他一家人，故提醒妻子和女兒不要以正門出入，以免被該對男女騷擾。業主又透過友人詢問網民意見：

「可以想像對男女唔會就咁罷休，大家有冇意見我個Friend可以點做？」

不少網民看到帖文後，認為業主在情在理也毋須退回訂金，又批評該對情侶態度無禮，建議業主報警處理：

↓ 點 擊 圖 片 放 大 ↓

業主友人交代最新進展

業主的友人不久後再次發文交代最新進展，指男買家事後透過地產經紀向業主致歉，形容「今朝語氣重咗」，同時指女友因為此事「搞到有抑鬱症」，故希望業主能跟他們再作商量，惟未有交代最後業主有否退訂。

買樓置業｜男友月入3.7萬欲買樓，拍拖一個月邀做擔保人，港女猶豫：應該買樓定租屋先？詳情即睇：【下一頁】

每朝索取《晴報》：精明生活．健康家庭．開心娛樂

撰文：蘇麗儀